Kryetari i partisë Demokratike Lulzim Basha ka publikuar një video në faqen e tij zyrtare në Facebook ku shkruan se Kryeministri Edi Rama do të shpenzojë 10 mln euro në vitin 2017 për luksin e tij.
Sipas kryedomokratit me këto para Rama do të financojë luksin dhe argëtimin e tij në godinën e Kryeministrisë, ku sipas Bashës do të ketë, restorant, bar personal por edhe salla të veçanta për masazh e fizioterapi.
“10 mln euro do të harxhojë kryeministri Rama në vitin 2017 për luksin e tij. Këto para do të financojnë luksin dhe argëtimin në godinën e Kryeministrisë. Një restorant personal, një bar personal, një sallë për konjak dhe puro, një sallë masazhi dhe fizioterapie, një sallë kinemaje, një sallë ekspozitash, një sallë basketbolli. Buxheti 2017 për qejfin e kryeministrit, jo për hallet e njerëzve”, thuhet në video.
https://www.facebook.com/lulzimbasha.al/videos/1353061508078360/
