“Projekti i ynë ka objektiv rritjen e ekonomike që garanton punësimin dhe rritjen e mirëqënies për gjithë shqiptarët”
Kryetari i Partisë Demokratike Lulzim Basha prezantoi sot platformën ekonomike të kësaj partie. Basha ka nisur aktivitetin me një minut heshtje për dy pilotët që humbën jetën një ditë më parë në fshatin Grizhë të Shkodrës. Kryetari i PD-së akuzoi qeverinë se e ka groposur ekonominë e vendit. Ndërsa alternativa e demokratëve, sipas tij ka objektiv rritjen e ekonomike që garanton punësimin dhe rritjen e mirëqënies ekonomike për gjithë shqiptarët.
“Ne nuk mund të rrimë duarkryq, kemi një alternativë zhvillimi. Është një projekt me objektiv rritjen e ekonomike që garanton punësimin dhe rritjen e mirëqënies ekonomike për gjithë shqiptarët.Projekti garanton ristrukturim dhe transformim cilësor ekonomik, rritjen e të ardhurave për qytetarët, në veçanti për pensionistët. Çliron ekonominë nga pengesat e deritanishme, garanton konkurueshmërinë. Dua të cek tre nga katër kolonat e kësaj përqasje terësore. Që ekonomia të rritet, kapitali të lëvizë dhe kreditimi dhe investimet e huaja të rriten lypset një mirëqeverisje dhe sundim i ligjit, institucione të forta të ekonomisë së tregut për të gjithë që mbrojnë pronën private para gjithçkaje.Rritjen e performancës buxhetore dhe qëndrueshmërinë e politikave fiskale për të rritur parashikueshmërinë dhe përmirësuar besueshmërinë e institucioneve publike.
Shtylla e dytë ka të bëjë me konsolidimin dhe finalizimin e infrastrukturës përmes investimeve publike, që tash dy vjet janë bërë një fenomen ekzotik në Shqipëri. Përfundimin e veprave të mëdha”, tha Basha.
