“Në vitin e parë do japim 100 milionë dollarë subvencionim të drejtpërdrejtë për sektorin e bujqësisë”
Kryetari i Partisë Demokratike Lulzim Basha ishte në Gjirokastër ku ka diskutuar platformën ekonomike me biznesmen dhe tregtarë të Gjirokastrës. Kreu i opozitës premtoi uljen e taksave dhe ndërtimine rrugës Kardhiq-Delvinë , në krye të listës së prioriteteve.
Basha vizitoi një rezervat të kultivimit të peshkut në Cepo ku u njoh me problemet që ndeshen në këtë sektor, si rezultat i taksave të larta, çmimi të rritura të lëndës së parë dhe mungesës yotale të subvencioneve.
“Ne kemi një paketë të veçantë fiskale, 9 për qind Taksë e Sheshtë. Pra nga 15 do të paguash 9, ke 6 për qind ulje në tatim-fitim. 9 për qind kontributet shoqërore edhe për këta gjashtë të punësuar që ke, edhe për të vetëpunësuarit që ke këtu. Kemi uljen e TVSH-së nga 20 në 15 për qind. Ne do të fillojmë në vitin e parë me 100 milionë dollarë subvencionim të drejtpërdrejtë për sektorin e bujqësisë, agrobiznesin dhe sektorin ushqimor në tërësi dhe përfitues të kësaj do të jenë padyshim edhe rritësit e peshkut.
Por për këtë punë nuk ka lekë. Lekë ka jaguar, lekë ka për palma, lekë ka për 90 milionë dollarë për shpenzime për orendi e për zyra. Por lekë për të bërë investime në infrastrukturë që ndihmojnë ekonominë lokale, ndihmojnë turizmin, ndihmojnë transportin kombëtar, për këto nuk ka lekë. Rrugën Kardhiq-Delvinë e kemi në krye të listës së prioriteteve të zhvillimit të infrastrukturës dhe ne do të investojmë për përfundimin e kësaj rruge”, tha Basha.
