Pas takimit që pati me kreun e qeverisë, Drejtori i Përgjithshëm për politikat evropiane fqinjësi dhe negocimet e zgjerimit, Christian Danielsson diskutoi me kryeopozitarin Basha.
Pas këtij takimi, Basha vijon të mbajë të njëjtat qëndrime, ndërsa thekson se regjimi i Ramës është një kufomë politike që pret të kallet.
“Opozita sot ka pasur një mundësi tjetër jo thjesht dhe vetëm për të shprehur vendosmërinë e saj për t’i qëndruar kësaj beteje, por kemi shprehur dhe vendosmërinë tonë që jo thjesht të largohet Rama por të shembet ky sistem. Për të ndërtuar një sistem vlerash europiane në vend.
Ne si opozitë do të dialogojmë brenda opozitës dhe me qytetarët hapat që do të hedhim. Rama një kufomë politike, regjimi i tij ka mbaruar”, deklaroi Basha.
