Një ditë pas takimit me kryeministrin e Italisë, Giuseppe Conte, kryetari i Partisë Demokratike Lulzim Basha ka bërë publike detaje nga biseda me të.
Përmes një postimi në Facebook, Basha theksoi se i kishte shprehur mirënjohje Contes për kontributin që Italia i ka dhënë vendit tonë sa i takon luftës kundër krimit.
“Gjatë takimit me Kryeministrin e Italisë, Z. Giuseppe Conte, e falenderova për kontributin që vendi i tij ka dhënë vecanërisht në luftën ndaj krimit, lëndëve narkotike dhe sigurisë për vendin tonë. Nuk mund të lejojmë më që të na sundojë krimi dhe paligjshmëria. Nuk mund të lejojmë më që për shkak të një njeriu, të izolohet një vend i tërë! Koha për ndryshim!”, shkruan Basha.
