Kryetari i Partisë Demokratike Lulzim Basha ka deklaruar se prej një jave janë publikuar fakte mbi Agron Xhafaj, por sipas tij, ministri i Brendshëm nuk ka reaguar.
Në një deklaratë për mediat pas këtij takimit me aleatët në selinë blu, Basha tha se pas publikimit të këtyre fakteve dhe provave, Fatmir Xhafaj duhet të dorëhiqej nga posti i ministrit të Brendshëm.
“Shqiptarët nuk e meritojnë të takojmë nga afera “Tahiri”, te afera “Xhafaj”. Nuk mund të kalojmë nga droga “Tahiri”, tek droga “Xhafaj”. Ky nuk mund të jetë kurrë fati i Shqipërisë. Në emër të PD dhe opozitës kërkojmë largimin e menjëhershëm të Fatmir Xhafajt nga posti i ministrit të Brendshëm”, u shpreh Basha.
