Kreu i Partisë Demokratike, Lulzim Basha është shprehur se opozita nuk ka deklaruar asnjëherë se do të bojkotojë zgjedhjet.
Pas mbledhjes së grupit parlamentar, Basha tha se nëse zgjedhjet do të zhvillohen pa opozitën më 18 qershor janë moniste ndërsa u shpreh i gatshëm për dialog me mazhorancës.
“Së bashku do të ndalim marrjen e vendit preng nga krimi dhe droga, me zgjedhje fasadë në një protestë masive në datën 13.
Ne jemi të hapur për dialog. Kjo betejë bëhet për qytetarët që të zgjedhin të lirë. PD kurrë nuk ka marrë vendim për bojkot të zgjedhjeve por kjo betejë bëhet për zgjedhje të lira.
Ato që ndo të ndodhin në 18 qershor nuk do të jenë zgjedhje. Votime moniste me krimet dhe drogën nuk do të ketë.”- tha Basha.
Basha i është përgjigjur edhe deputetes Majlinda Bregu, duke thënë se mendimi i saj është shprehur mbi premisë të gabuar.
“Është shprehur një mendim nga një anëtare e grupit parlamentar. Mendimet e kundërta thuhen, padyshim është shprehur një mendim i bazuar në një premisë të gabuar e mospjesëmarrjes në zgjedhje, por sigurisht kryesia ka vendosur unanimisht që të ketë zgjedhje të lira dhe të ndershme.”- u shpreh kreu i opozitës.
