Kryedemokrati Lulzim Basha ka zhvilluar një vizitë në Lubjanë të Sllovenisë si i ftuar në Institutin Ndërkombëtar të Studimeve për Lindjen e Mesme dhe Ballkanin.
Gjatë fjalës së mbajtur, Basha i kërkoi KE të iniciojë një mision monitori ashtu sikurse monitoron sundimin e ligjit në Bosnjë e Hercegovinë.
Ai vuri theksin tek Raporti Priebe, një projekt ky që ka ndihmuar tejkalimin e krizës në Maqedoni.
“Monitorimi më efektiv i reformave të Sundimit të Ligjit në vendet që kërkojnë anëtarësim mund të arrihet duke u mbështetur në shembullin pozitiv të të ashtuquajturit Raporti Priebe, i cili tashmë ndihmoi në tejkalimin e një krize serioze të demokracisë dhe sundimit të ligjit në Maqedoni në 2015. Komisioni Evropian sapo ka nisur një nismë të re për raportimin e Priebe për të monitoruar të gjithë sistemin e Sundimit të Ligjit në Bosnje dhe Herzegovinë. Unë inkurajoj Komisionin që të iniciojë një mision të tillë monitorimi edhe në Shqipëri”.- është shprehur Basha.
