Kreu i PD, Lulzim Basha ditën e sotme zhvilloi një takim me përfaqësues të biznesit të vogël në Shkodër.
Basha u shpreh i zhgënjyer nga mostejkalimi i ndasive politike në Këshillin Bashkiak në një situatë të tillë.
Gjithashtu, Basha theksoi se kjo qeveri është e vetmja në Ballkan që nuk ka menduar për një paketë të tretë për të ndihmuar bizneset.
“Bëra thirrje që të kaloheshin ndasitë politike. Jam i zhgënjyer për ata që janë ulur në karriget e Këshillit Bashkiak. Mund të bashkoheshin me kryetaren për të hequr detyrimet lokale. Unë e kuptoj presionin, arsyeja kryesore që janë bërë se shembulli i Shkodrës do të ishte i vështirë për të mos u ndjekur nga bashkitë e tjera.
Është e vetmja qeveri në Ballkan që nuk ka menduar për një paketë të tretë. Sot në Shkodër unë e di ë jeni të braktisur. Numri për fat të keq që fshihet nga Rama është edhe më i lartë. Përveç propagandës dhe sulmeve ndaj atyre që tregojnë të vërtetë janë e vetmja përgjigje. Të gjithë duhet të marrim përgjegjësitë tona në këtë situatë. Njëra nga to është të mbajmë maskën dhe distancën. Por edhe qeveria duhet të bëjë detyrën e vet dhe këtu ka dështuar. Një orë e më parë sipërmarrja dhe biznesi i vogël të ketë të paktën të njëjtën ndihmë që ka biznesi në Kosovë”, tha Basha.
