Kryetari i PD-së deklaron qëndrimin për seancën e radhës, derisa të pezullohet Prenga e të shkojë në kushtetuese mandati i leskajt, Kokëdhimës e Rakipt Sulit
Opozita do të vazhdojë me bllokimin e parlamentit derisa Rama të pranojë pezullimin ligjërisht të deputetit Armando Prenga si dhe të dorëzojë në Kushtetuese tre mandatet e deputetëve të tij. Ky është qëndrimi i deklaruar sot nga kryetari i PD-së Lulzim Basha. Pas mbledhjes së gript parlamentar Basha deklaroi për mediat se opozita do ta bllokojë nesër parlamentin.
“Pas diskutimit të gjatë konstruktiv e demokratik vendimi është bllokimi i seancës së nesërme nga grupi parlamentar demokrat nëse maxhoranca nuk reflekton dhe Rama refuzon të pezullojë ligjërisht Armando Prengën. Nëse Edi Rama dhe të tijtë refuzojnë t’ia dorëzojnë Gjykatës Kushtetuese të drejtën që vetë Kushtetuta dhe gjykata e aserton për të gjykuar mbi mandatet e tre deputetëve që kanë përfituar miliona pasuri publike të shqiptarëve, Koço Kokëdhimës, Rakip Sulit dhe Valentina Leskaj. Nëse Edi Rama refuzon ti japë fund përpjekjes së tij mjerane për të ndalur të pamundurën, transparencën për çështjet që kemi në hetim parlamentar siç janë ato të serverit të tatimeve dhe të emërimeve dhe shkarkimeve në administratë. Edhe njëherë zgjedhja është e Edi Ramës por me aktet e sotme Edi Rama e ka bërë zgjedhjen. Kërkon të ndalojë dekriminalizimin. Kërkon që milionat të përfundojnënë xhepat e ministrave të korruptuar dhe ligji të mos veprojë. Do të përballet me vendosmërinë tonë në parlament
Basha akuzon Ramën se po kërkon të ndalojë dekriminalizimin “në mënyrë që kriminelët me të cilët ka ardhur në pushtet dhe po qeveris ti ketë në krah”.
