Në një vizitë në Bruksel kryetari i PD-së, Lulzim Basha u prit në një takim pune nga Presidenti i Partisë Popullore Europiane, Joseph Daul dhe eurodeputeti Eduard Kukan.
Në takim u diskutuan zgjedhjet e ardhshme në Shqipëri dhe aspiratat europiane të vendit, që zgjedhjet të jenë të lira dhe të ndershme.
“Shumica europarlamentare është e qartë se zgjedhjet e lira dhe të ndershme, dekriminalizimi dhe lufta kundër krimit të organizuar dhe drogës, janë kushte të patjetërsueshme për hapjen e negociatave me BE-në dhe se Shqipëria duhet t’i përballë këto probleme në mënyrë urgjente dhe të drejtpërdrejtë”, deklaroi Daul.
PPE do të mbështesë dhe asistojë Partinë Demokratike gjatë procesit zgjedhor duke sjellë përvojën e çmuar të vendeve anëtare. Mbështetja e PPE u sanksionua edhe përmes Rezolutës për Shqipërinë të miratuar dje me votë unanime nga Asambleja Politike e PPE.
