Kreu i opozitës, Lulzim Basha ka deklaruar se 18 qershori është asgjësuar ligjërisht si një datë ku PD mund të marr pjesë në zgjedhje.
Sa i takon zgjedhjes së presidentit të ri, nga çadra e opozitës Basha tha se Ilir Meta nuk është një president më afër PD, por më afër pazareve të së majtës.
“Ilir Meta e di, edhe Rama e di këtë fare mirë, ai më kot dhe i dëshpëruar u përpoq të thoshte dje se ai është më afër PD-së. Meta është vetëm afër pazarit të peshkut që është qelbur nga koka, ndaj Edi Rama gëzofsh ti atë dhe peshkun e qelbur nga koka, ne nuk kemi ardhur në këtë betejë për pazare të fëlliqura politike”- tha Basha.
