Nga e vetme në opozitë, PDIU i është bashkuar sot zyrtarisht koalicionit me opozitën e bashkuar. Pas një mbledhjeje me kreun e PDIU, Shpëtim Idrizi, kryedemokrati Basha ka deklaruar se PD do të angazhohet për të garantuar lëvizjen e lirë të shqiptarëve të Çamërisë si dhe për pronat.
“I uroj mirëserdhjen PDIU, PD dhe opozita e bashkuar kanë një mision jetik për shqiptarët, të largojmë një orë e më parë aleancën e pushtetit me krimin. PD ka qenë dhe mbetet e angazhuar për shqiptarët e Çamërisë, në dimensionin e garantimit të lëvizjes së lirë për shqiptarët e Çamerisë dhe garantimin e pronës”, tha Basha.
