Në mbledhjen e sotme që ka zhvilluar grupi parlamentar, kryetari Basha ka reaguar sa i takon qëndrimeve për zgjedhjet në Dibër dhe zhvillimeve brenda partisë dhe ka bërë thirrje për unanimitet brenda grupit.
Në mbledhje është diskutuar gjithashtu për finalizimin e punës së komisioneve hetimore për emërimet në administratë dhe serverin e tatimeve.
Teksa ka kritikuar largimin e deputetëve të PD nga seanca e kaluar parlamentare, Basha ka theksuar se ky nuk është një vendim i drejtë.
Basha u ndal gjithashtu edhe tek reforma në drejtësi, duke u shprehur se mazhoranca ka prishur konsensusin e arritur më 21 korrik. Ndërsa për mbetjet Basha tha se është një skemë mafioze dhe kriminale.
Sakaq ish-kryeministri Berisha ka kërkuar edhe riaktivizimin e diskutimit për rezolutën për dekoratat.
Basha: “Largimi i opozitës nga Kuvendi të enjten është jo i drejtë. Duhet përballje, një grup një qëndrim. Jo vetëm Noka e Zeneli, duhet të qëndroni të gjithë për përballje. Mazhoranca kërkon të kapë drejtësinë. Duhet të mbyllet puna e komisioneve hetimore në Kuvend, për të kaluar tek ngritja e komisioneve të tjera hetimore, si në rastin e ARMO-s dhe Arsimit”.
