Kryedemokratiti Lulzim Basha po zhvillon sot një takim me demokratët në Durrës. Gjatë fjalës së tij ai tha se më 8 Janar Berisha kaloi vijat e kuqe. Ai u shpreh se ata janë një shumicë që nuk i bashkon asnjë ideal por halli personal i një personi të vetëm.
Basha nënvizoi se kjo që po ndodh sot në PD është një ndryshim kulturor për t’u shkëputur nga ata duan të qeverisin me kulturë e imponuar nga diktatura. “Me 8 Janar Berisha dhe të gjithë mbështetësit e tij të dhunshëm e kaluan vijën e kuqe dhe kjo nuk ka asnjë justifikim. Nuk kemi ardhur të gënjejmë vetëm se kështu na e do interesi i momentit. Të gjithë bashkë kemi ardhur për partinë Demokratike në një moment të veçantë kur një pakicë e vogël, çdo ditë e më e vogël mblidhet për shkak të të kundërtave. Për të shpifur, për të gënjyer. Për të linçuar demokratët e shumicës. Intelektualë të Durrësit që për dy ose tre dekada që PD nuk u kujtua për të rinjtë vetëm se mendojnë ndryshe nga hijet e të shkuarës. Për t’iu vërsulur nënave me fëmijë”, u shpreh ai.
Më tutje, Basha tha se mbështetësit e Berishës janë një pakicë e vogël për hallin personal të tij. Basha u shpreh i bindur se mbështetësit e Berishës nuk kanë më vend në PD.
