Kreu i Partisë Demokratike, Lulzim Basha në një takim me ekspertë të shendetësisë në Tiranë foli për sistemin shëndetësor në vendin tonë.
Basha u shpreh se shërbim shëndetësor është i varfër, pa shtretër pa infrastrukturë dhe kërkon një zgjidhje emergjente. Ndër të tjera Basha u zotua se me ardhjen e PD-së në pushtet paga minimale e doktorëve do të jetë 1200 euro dhe ajo e infermierëve 700 euro.
“Dua të deklaroj sot nga kjo konferencë e cila do të vazhdojë me tryeza pune vendimin e PD se në 4 vjeçarin e parë të qeverisjes sonë, se paga minimale për mjekët do të arrijë 1200 euro në muaj, ndërsa për infermierët 700 euro në muaj. Kur deklaruam pagat për mësuesit, shumëkush i konsideroi të pamundur, sot është fakt; po ashtu infrastrukrura, rruga Durrës-Kukës, heqja e vizave apo Shqipëria në NATO”, u shpreh kryedemokrati ndërsa u zotua më tej se edhe programi në shendetësi do bëhet realitet.
