Pas mesazhit të qartë të Zv.kryetarit të Grupit të CDU-CSU në Bundestag Johann David Wadephul se reforma zgjedhore duhet të miratohet nga Parlamenti pa ndryshime, ashtu siç përcaktohet në marrëveshjen e 14 janarit 2020, vjen një reagim nga sekretari i përgjithshëm i PD, Gazment Bardhi.
“Të gjithë e kanë kuptuar tmerrin tënd nga zgjedhjet, por frika jote nga humbja e pushtetit nuk mund të marrë peng Shqipërinë. Edi Rama lexoje mirë këtë deklaratë të Bundestagut dhe lëri lojërat e pista politike në kurriz të shqiptarëve”, tha Bardhi.
Kujtojmë se në qëndrimin e tij Johann David Wadephul nuk i kurseu edhe kërcënimet në emër të Grupit të CDU-CSU, për faktin se sipas tij maxhoranca duhet të tërhiqej nga ndryshimet kushtetuese, pasi në të kundërt Gjermania bllokon hapjen e negociatave me BE.
