Kampionët e Spanjës kanë kërkuar anullimin e transferimit të Gabigol tek klubi i Milanos, ndërkohë që merkato për ta zëvendësuar ka përfunduar edhe zyrtarisht
Sipas lajmeve që vijnë nga Rio de Zhaneiro, Barcelona e konsideruar të pavlefshme kontratën e shitjes së Gabigol tek Inter, për shkak të një marrëveshje të kampionëve të Spanjës me klubin brazilian Santos që në vitin 2013, kur bisedohej për transferimin e Nejmar. “GloboEsporte” njofton, se Barcelona ka pasur të drejtën e parablerjes së Gabriel Barbozës, e drejtë që nuk është respektuar me shitjen e futbollistit tek Interi. Klubi “blaugrana” i ka dëgruar një letër Santosit, duke i bërë të ditur se dokumentacioni i kalimit të Gabigol tek Inter është i pamjaftueshëm për t’u përputhur me ofertën e klubit milanez dhe kështu që transferimi i tij duhet ngrirë. Në këtë pikë, vetëm FIFA mund ta zgjidhë konfliktin midis dy shoqërive. Ndërkohë, nëse FIFA e konsideron si të pavlefshëm transferimin e Barbozës, atëherë kjo do të ishte një katastrofë për Interin, pasi merkato në Itali është mbyllur zyrtarisht dhe Tohir nuk do të ketë asnjë mundësi për ta zëvendësuar blerjen më të rëndësishme, tek i cili janë varur të gjitha shpresat për një sezon ndryshe.
