Deputeti i Partisë Socialiste Taulant Balla tha se PS do të marrë pjesë në zgjedhjet në Kavajë edhe pa opozitën.
Në përfundim të mbledhjes së grupit parlamentar të Partisë Socialiste, në një reagim të shkurtër për gazetarët Balla i bëri apel opozitës që të vijë në Kuvend të enjten për të votuar ndryshimet në Kodin e Procedurës penale dhe një sërë ligjesh të cilat janë pjesë e paketës së Reformës në Drejtësi.
“Gjithashtu qeveria është e gatshme për të diskutuar rreth çdo gjëje me opozitën”, pohoi Balla tek po dilte nga selia e Partisë Socialiste.
