Një 28-vjeçar u ekzekutua mbrëmjen e së martës në zonën e “Kinostudios” nga persona ende të paidentifikuar.
Dyshimet e policisë janë që kjo vrasje të ketë ndodhur për hakmarrje, pasi babai i Marjo Majollarit është duke vuajtur një dënim për dy vrasje.
Avni Majollari jetonte prej 14 vitesh në arrati kur është arrestuar në vitin 2014, i dënuar me burgim të përjetshëm për vrasje të dyfishtë të ndodhur në vitin 2001.
Vetë i riu kishte kërkuar disa herë azil politik për shkak të kërcënimit për hakmarrje, por nuk ia kishte dalë dot. Sipas të dhënave që ka mbledhur policia, Majollari bënte një jetesë të qetë dhe nuk ishte i skeduar ndonjëherë nga policia për ndonjë vepër penale.
