Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Atentati/ Policia ruan për 17 ditë pas derës, prokurorin Ndoja dhe “Rrumin”

Nga Ejona 0

Prokurori Arjan Ndoja dhe i plagosuri tjetër në atentatin e 1 nëntorit tek mbikalimi i Shkozetit në Durrës kanë mohuar të kenë konflikte me Redjan Rrajën. Prokurori dhe miku i tij janë pyetur në spital pas arrestimit të të riut nga Kruja, por kanë thënë se nuk kanë pasur konflikte me të arrestuarin.

Sipas burimeve nga spitali i Durrësit, prokurori Ndoja ka kërkuar që mjekimin ta përfundojë duke qëndruar nën kujdesin e stafit të repartit të Ortopedisë.

Burimet kanë bërë të ditur se tre prokurorët e Krimeve të Rënda kanë marrë disa herë në pyetje të dy të plagosurit, Arjan Ndoja dhe Aleksandër Laho, të cilët vazhdojnë t’u qëndrojnë deklaratave ta dhëna më parë duke theksuar se nuk kanë asnjë konflikt të hapur me asnjë person dhe mbi të gjitha me të arrestuarin e vetëm Redjan Rahja.

Dy efektivë të policisë së komisariatit të Durrësit qëndrojnë pas dere prej 17 ditësh. Me urdhër të prokurorit çdo person që kërkon ti takojë duhet më parë të marrë miratimin e përfaqësuesve të akuzës.

Deri më tani për ngjarjen është arrestuar vetëm Redjan Rraja. Katër ditë pas atentatit u zhvilluan kontrolle në të paktën pesë qytete, por pa u konkretizuar. Tashmë edhe pas analizave të gjurmëve në makinën e përdorur për sulmin, në dy kapuçat dhe armët e zbuluara nuk është bërë e mundur zbulimi i autorëve të tjerë që kanë marrë pjesë në atentat, por as gjetja e shkakut të sulmit në Shkozet të Durrësit. /OraNews

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej