Policia ka arrestuar shtetasin Redjan Rraja, i cili dyshohet se ka lidhje me atentatin ndaj prokurorit Arjan Ndoji.
Pas një aksioni të gjerë nga policia, FNSH dhe RENEA, të nisur që prej ditës së atentatit, dhe që u shtri në disa qytete të ndryshme, si Krujë, Fushë-Krujë, Durrës, Tiranë dhe Elbasan, u bë arrestimi i shtetasit Redjan Rraja.
Atentati ndodhi pasditen e të premtes, te mbikalimi i Shkozetit, në Durrës, ku mbetën të plagosur prokurori, shoferi i tij, Andi Maloku, dhe Aleksandër Lahon, i njohur edhe si i “Rrumi” i Sukthit.
Redjan Rraja ka lidhje gjaku me deputetin e Partisë Socialiste, Rrahman Rraja.
