Komisioni Europian pritet të paraqesë sot planin ekonomik të investimeve sa i takon vendeve të rajoni dhe Shqipërisë.
Paketa i nënshtrohet aprovimit nga Kolegji i Komisionerëve përpara mesditës.
Komisioneri për Zgjerimin Oliver Varhelyi pritet ta prezantojë në Parlamentin Europian.
Gazetarja Erisa Zykaj nga Brukseli raportoi se Progres raporti asnjë surprizë për Shqipërinë.
Shqipëria ka 15 kushte për të plotësuar, në këndvështrimin e Komisionit Europian, vendi ynë ka 6 parakushte që ata konsiderojnë se duhen plotësuar përpara se të hapen negociatat e anëtarësimit me BE.
Në këto 6 parakushte kanë të bëjnë me reformën zgjedhore, gjykatën kushtetuese dhe gjykatën e lartë, ngritjen e organeve të drejtësisë në luftën me krimit, ligji për mediat dhe masat që janë marrë nga qeveria për uljen e emigracionit, si dhe me goditjen e aseteve që kanë të bëjnë me krimin e organizuar.
Komisioni Europian ka përshëndetur Marrëveshjen e 5 qershorit si një përpjekje e të gjitha palëve për aprovimin e reformës zgjedhore, por zhvillimet politike së fundi kanë bërë që qëndrimi i KE të vihet në dyshim.
Mbetet e paqartë qëndrimi i Komisionit Europian në lidhje me ndryshimet që u bënë në Këshillin Politik dhe se do të duhet një moment i dytë për një panoramë të qartë të qëndrimit të KE.
Në momentet që flasim është mbledhur Kolegji i Komisionerëve i cili pritet të aprovojë deri në orën 12 paketën ekonomike dhe investimet.
Varleyhi do të prezantojë në orën 12 paketën ekonomike e cila bën fjalë për një mbështetje dhe reformë afatgjatë e cila do ti shërbejë vendeve të ballkanit dhe Shqipërisë për punësimin dhe ndërmarrjet e vogla, ndalimin e rrjedhjes së trurit.
Zykaj raportoi se Komisioni Europian ka kuptuar që për të anashkaluar aktorë të tjerë të rëndësishëm në rajon sic janë Kina, Turqia, Rusia duhet të hyjë fuqimisht në Ballkanin Perëndimor por me investime, dhe këtë ka për qëllim të bëjë në mënyrë që të rimëkëmben ekonomikisht nga problemet që ka krijuar pandemia dhe goditjet e tjera.
Në planin ekonomik dhe investimeve do të synohet ti jepe ndihmë për rimëkëmbjen ekonomike për të bërë të mundur të krijojnë nujë mënyrë në tregun e përbashkët me BE.
