Duke ndjekur situatën pandemike në vend…
Nga Mesila Doda
1. Situata është në kaos të plotë… shtretër spitalorë nuk ka më, ndërsa shkollat vazhdojnë të jenë hapur e jeta vazhdon thuajse pa asnjë kufizim. Ndalimi i lëvizjes nga ora 22.00-06.00 nuk ndihmon asgjë e askënd.
2. Kryeministri ka braktisur detyrën e tij të parë, atë që e mbajti duke shkatërruar sistemin e duke grisur Kushtetutën… ka 119 ditë që nuk shkon në zyrë sipas raportimeve në media, ndërkohë që vendi rrokulliset në kaos.
3. Përgjegjësinë për manipulimin e shifrave me viktimat e hodhi mbi mjekët e i detyroi të përfshiheshin në debatin politik… ata që nuk duhet të kishin asnjë përgjegjësi apo detyrim në mashtrimin e tij.
4. Ende asnjë spital rajonal i hapur, ende asnjë rimbursim për trajtimin e sëmundjes, e cila kap shifra të larta, ndërkohë që trajtimi nga qeveria, i cili u miratua javën e kaluar është qesharak.
5. Vazhdojnë shpërdorimet e parasë publike me pagesa për PPP, për inceneratorët dhe klientët që bashkëndajnë me qeveritarët plaçkën publike.
6. Arroganca e pushtetit ka mbërritur në limite neveritëse. Aq e madhe është arroganca dhe nervozizmi i tyre sa nuk ka asgjë tjetër që e shpjegon atë përveç frikës së humbjes së pushtetit dhe përfundimit në organet e drejtësisë, kur drejtësisë nuk do mund t’i japin dot me urdhër.
Fushata e ardhshme do jetë krejt atipike. Do ketë vetëm sfilatë të Edi Ramës me administratën dhe pengim të çdo aktiviteti politik. Në këto kushte, e vetmja gjë që mund të themi është… kujtoni orët që qëndrimet në ambulancë pa shërbim shendetsor, kujtoni arrogancën e shefave, kujtoni vjedhjet e fondeve të tërmetit, kujtoni bizneset e mbyllura, kujtoni rrogat e pamarra, kujtoni darkat e munguara në familjet tuaja… heshtni dhe hidhni votën kundër abuzimit, vjedhjes, arroganceë, poshtërimit, me të cilin trajtoi çdo qytetar të Shqipërisë mostra politike, Edi Rama.
Mos e shisni votën, mos e shpërdoroni, por hidheni në kuti në shenjë të kundërshtimit ndaj poshtërimit të përditshëm që po na bën një njeri i vetëm.
