Rezultonte i dënuar me 10 vite burg në Itali, Policia e Durrësit ka arrestuar komisarin Dritan Xhindoli.
Ai është arrestuar një javë më parë në Durrës, me qëllim ekstradimi në Itali.
Shpallja e tij në kërkim, në formë zyrtare nga autoritetet italiane, është bërë më 9 qershor të vitit 2017.
Xhindoli, ishte shpallur në kërkim ndërkombëtar nga autoritetet italiane për akuzat e vjedhjes dhe falsifikimit të dokumenteve.
Urdhër-arrresti ndaj ish-zyrtarit të policisë dyshohet se është mbajtur i fshehur për 3 vjet.
Dritan Xhindoli ka qenë shef i Sektorit të Krimeve të Rënda në Policinë e Tiranës, por u largua nga ky post në janar të vitit 2016, duke u emëruar specialist hetimi te Krimet e Rënda në Policinë e Shtetit.
