Pas tërmetit tragjik të 26 nëntorit, detaje të reja po dalin ditë pas ditë dhe kanë në fokus vendosjen e e personave përgjegjës para drejtësisë.
Të ndaluarit e rradhës janë përgjegjësit e viktimave tek pallati “2 Gjelat”, në qytetin e Durrësit.
Është lëshuar urdhër ndalimi për ish drejtorin e ALUIZNI-t Flamur Gjuzi dhe pronarin e lokalit Bar Barons, Artur Terziu.
Nge hetimet e kryera rezulton se pallati është dëmtuar 5 vite më parë, dhe është legalizuar dhe certifikuar për punimet paligjshme nga drejtori i ALUIZNI-t, aso kohe, Flamur Gjuzi. Ndaj Gjuzit rëndon akuza e ‘shpërdorimit të detyrës’.
Report Tv ka siguruar dokumentin për ndalimin e këtyre shtetasve.
Në dokument thuhet se pronari i lokalit Bar Barons, Artur Terziu ka holluar muret, bazamentin mbajtës të pallatit, me qëllim përfitimin e hapësirave të mjaftueshme për lokalin e tij si dhe ka shfrytëzur taracën për të vendosur tre depozita voluminoze në funksion të biznesit të tij. Banorët pretendojnë se pikërisht nga ky lokal erdhi dhe shembja e komplet pallatit, pasi godina kishte humbur ndjeshëm bazamentin e saj në katin e parë.
