Vjedhja që u bëhet familjarëve dhe bizneseve në faturat e energjisë elektrike, është një metodë e vjetër e përdorur nga qeveria dhe sërish ne jemi vendi që paguajmë më shtrenjtë energjinë. Pavarësisht krizës në të cilën ndodhen qytetarët shqiptarë, rilindas i OSHEE Ardian Çela vazhdon me vjedhjet përmes manipulimit të faturave elektrike. Ndaj këtij të fundit vijnë dhjetëra denoncime çdo ditë për mbifaturime në faturën e dritave dhe vjedhjen haptazi të qytetarëve.
Njëri prej tyre ka vendosur ta provojë me fakte vjedhjen që i bën OSHEE duke instaluar matës të brendshëm për të parë nivelin e kilovatëve të konsumuar. Qytetari shkruan se pas vënies së matësave inteligjentë fatura kapërceu kacafiu. Nga data 3 maj deri më sot, konsumi që i tregon matësi i brendshëm, qytetarit është shumë më pak se ajo që i kanë faturuar në faturën me vlerë 800 mijë lekë të vjetra.
“Kam 7 vite qe ne pikun e konsumit fatura shkonte tek 30 mije te reja plus minus. Ne janar të këtij viti vendosen matës inteligjent dhe fatura ne janar dhe shkurt u be mbi 40 mije te reja. Dhe përsëri e pranova deri në një moment te dyte qe do filloja procedurat e ankimit deri me kallëzim ne prokurori.
Me date 3 maj kam instaluar matës te brendshëm për te pare realisht sa konsum kam! Dmth nga data 3 maj deri sot qe flasim kemi konsumuar 2455 kv energji sipas matësit. Ndërkohë vetëm fatura për muajin qershor 80 mije te reja”, shkruan denoncuesi. Por, pavarësisht ankesave, OSHEE vazhdon të vjedhë dhe asnjë masë nuk është marrë nga institucionet përgjegjëse.
