Pas diskutimeve dhe deklaratave të shumta nga Serbia në lidhje me kërkesën e Kosovës për t’u anëtarësuar në Këshillin e Europës, ka reaguar sot kryeministri Albin Kurti. Në një postim në Facebook, Kurti ka thënë se Kosova e meriton këtë pasi është një nga vendet me demokratike në Ballkanin Perëndimor.
“Është vlerë e shtuar për Këshillin dhe mundësi për Kosovën që të përparojë edhe më shumë në fushën e të drejtave të njeriut, demokracisë dhe sundimit të ligjit. Në mbledhjen e sotme të Qeverisë miratuam nismën për anëtarësimin e Republikës sonë në këtë organizatë të rëndësishme ndërkombëtare, ndërkaq pak kohë më pas dorëzuam edhe aplikimin për anëtarësim. Kosova është vendi më demokratik në Ballkanin Perëndimor, ku të drejtat dhe liritë e njeriut janë të garantuara me Kushtetutë dhe ligj”, u shpreh Kurti.
Kujtojmë se presidenti serb Vuçiç tha se Serbia nuk e pranon këtë hap dhe do të ndërmarrë masat e saj.
