Ambasadori i Italisë, Alberto Cutillo i ka dërguar një letër Kryetarit të Partisë Demokratike Lulzim Basha ku vlerëson kontributin për reformën në drejtësi.
“Kam besim se, edhe falë kontributit të forcës politike që ju drejtoni, Shqipëria do të tregohet në lartësinë e duhur për këtë sfidë e do të dijë t’i përgjigjet integrimit europian të qytetarëve shqiptarë”, shkruan ndër të tjera ambasadori italian.
Letra e Ambasadorit Cutillo drejtuar Bashës
Dëshiroj t’ju shpreh vlerësimin tim më të lartë për angazhimin dhe kontributin e Partisë Demokratike të kryesuar nga ju në përcaktimin e tekstit të amendamenteve kushtetuese për reformën në sistemin e drejtësisë.
Bëhet fjalë për një hap të parë krah drejtësisë të karakterizuar nga standardet europiane. Vendit i nevojitet tashmë të angazhohet me të njëjtën ndjenjë përgjegjshmëri në fazën jo më pak delikate të implementimit të reformës në drejtësi.
Kam besim se, edhe falë kontributit të forcës politike që ju drejtoni, Shqipëria do të tregohet në lartësinë e duhur për këtë sfidë e do të dijë t’i përgjigjet integrimit europian të qytetarëve shqiptarë.
Teksa ju përsëris ndjenjat e konsideratës sime më të lartë, ju lutem pranoni, Zot Kryetar, përshëndetjet e mia të përzemërta.
