Ambasada e Greqisë në Shqipëri thotë se udhëtimet drejt këtij shteti mund të realizohen vetëm përmes fluturimit me avion në aeroportin e Athinës.
Udhëtimi drejt Greqisë përmes rrugëve tokësore apo detare nuk do të lejohet, sqaron ambasada greke duke njoftuar se nga ky bllokim përjashtohen disa kategori.
Kategoritë janë: Qytetarët grekë, poseduesit e lejeve të qëndrimit, persona që kanë banesë të tyren apo qëndrojnë zakonisht në Greqi, transporti i mallrave nga toka dhe deti si dhe persona që kryejnë lëvizje të nevojshme me karakter personal.
Ky regjim mbetet në fuqi edhe pas 1 korrikut.
Njoftimi i ambasadës greke:
Sipas udhëzimeve evropiane për hapjen e kufijve të BE-së dhe vendimeve respektive zbatuese të Greqisë (ΦΕΚ Β’ 2283/14.06.2020), në lidhje me udhëtimet nga Shqipëria për në Greqi, parashikohet mundësia e realizimit të fluturimeve drejt aeroportit Eleftherios Venizellos të Athinës. Nuk lejohet hyrja e personave nga Shqipëria për në Greqi permes linjave detare, rrugore apo hekurudhore.
Përjashtohen: a) Qytetarë Grekë, posedues të Kartës së Veçantë të Identitetit të Homogjenit, poseduesit e lejeve të qëndrimit, si dhe persona që kanë banesën kryesore të tyre apo që qëndrojnë zakonisht në Greqi, b) kalimi i kamionëve për transport mallrash, c) transporti i mallrave me anije, d) hyrja e personave nëpërmjet kufijve tokësorë, për lëvizje absolutisht të nevojshme të karakterit profesional, të cilat i faktojnë me dokumentat përkatëse.
Ky rregjim lëvizjesh pritet të vazhdojë të jetë në fuqi edhe pas datës 1 korrik. Ambasada e Greqisë në Tiranë do të lajmërojë menjëherë me njoftim të saj, për çdo ndryshim që mund të rezultojë.
