Drejtori i Aluizni-t për qarkun e Elbasanit Mariglen Disha ka deklaruar se ndërtimet në zonat e mbrojtura me rëndësi për trashëgiminë kulturore, apo edhe objektet e ngritura pranë kolektorëve të ujit dhe në shkolla nuk do të legalizohen.
Disha sqaron se nuk do legalizohen banesat në zonën e kalasë dhe në parkun Rinia pasi janë ndërtuar në zona të mbrojtura, rreth 340 në total.
“Të gjitha ndërtimet janë rreth 130 objekte që janë ndërtuar rreth kalasë ato për momentin nuk mund t’i legalizojmë se janë në zonën A të kalasë. Kemi problem edhe zonën e parkut dhe këto objekte do skualifikohen, nuk do legalizohen”, tha Disha.
