Aleanca Qytetare për Mbrojtjen e Demokracisë në Sarandë ka dalë sot me një deklaratë ku i bën thirrje qytetarëve të braktisin zgjedhjet e 30 qershorit.
Duke i cilësuar ato si zgjedhje moniste, kjo Aleancë i fton qytetarët e Sarandës t’i bashkohen protestave të tyre më 30 qershor.
“Të dielën, detyra jonë është t’i bëjmë të ditur botës se këto zgjedhje nuk vlejnë, se ato janë kundër interest tonë të përbashkët, se një kryeministër i ardhur në pushtet me votat e krimit, duhet të largohet e të jap llogari para drejtësisë”, thuhet në njoftimin e Aleancës Qytetare për Mbrojtjen e Demokracisë në Sarandë.
