Nga Milaim Zeka
Vendimi për shkarkimin e MPB, Agim Veliun, për shumicën e njerëzve të LDK-së, është i pabesueshëm. Ne që ia njohim trurin e Albinit në 3D, e dimë që është gjëja më e thjeshtë që ka bërë. Albini nuk don të vazhdojë me qenë kryeministër. E ka nuhatur se përpara tij është një rruge me xhemba, të cilën nuk mundet me kalu.
Albini po e dëshmon që mundet me qenë vetëm në opozitë. Nuk po don me kuptu se cila është detyra e tije si kryeministër.
Personalisht e kam lexu e rilexu deklaratën e Agim Veliut dhe nuk kam pa qoftë një fjalë të vetme, përmes të cilës ka ngjallur panik.
I dashur kryeministër, shumica nga ne jemi të infektuar dhe nuk e dimë fare. Përpos kësaje, ne jetojmë në një vend, ku shumë njerëz thonë: “Po nëse jam infektu unë, kush po ja lune nanën tjetrit”. Përndryshe, nuk dalin njerëzit në Gërmi sikur me pas dasëm, ose syneti. Askush nuk mendon që njerëzit i kanë bërë dhjetëra vite burg duke jetuar në një qeli.
Kryeministër, mos i ke besuar atije rrencit mediatik, i cili tha se në “gjendje të jashtezakonshme udhëheqë Presidenti”?! Edhe?!!!
Agim Veliu e kishte thënë bukur: “Nëse presidenti ka propozu, janë deputetët ata që vendosin!”.
Krejt në fund; për mendimin tim shumë ma e ndershme ka qenë sikurse të jepnit dorëheqje. Më duket po e pret hastret që LDK-ja me ba një pune të tillë, për me fajësu, por kam dro që kësaje radhe, kalkulimet i keni të gabueshme…!
