Në Serbi, sot votohet për zgjedhjet e rregullta presidenciale, zgjedhjet e parakohshme parlamentare dhe zgjedhjet lokale në 14 qytete, përfshirë edhe Beogradin. Por një serb e ka bërë të pavlefshme fletën e votimit për President, ndërsa lart në të e ka shkruar emrin e kryeministrit të Kosovës, Albin Kurti.
Në një fletë votimi, në të cilin është supozuar të votohet një nga kandidatët për President/e të Serbisë, është shkruar emri i kryeministrit Kurti. Pjesa tjetër e fletës së votimit duket e shkarravitur. Mediat kosovare shkruajnë se kjo fletë e votimit i është dërguar nga një votues i deklaruar i Luginës së Preshevës.
