Zagoria do të “bombardohet” me tritol nga një kompani e njohur ndërkombëtare e hidrokarbureve.
Bëhet fjalë për kompaninë SHELL e cila për drejtuesit e Shoqatës “Zagoria”, do të ndërmarrë fushatë shpimi në të gjithë territorin e krahinës duke përdorur tritol të fuqishëm.
Alarmi është dhënë nga drejtues të kësaj shoqate, të cilët konfirmojnë se janë shpërndarë këto ditë në zonë, disa fletushka për 500 shpime që do të ndërmarrë gjigandi botëror i hidrokarbureve për kërkimin e gazit natyror dhe të naftës.
Leja është siguruar prej ministrisë së linjës të drejtuar nga Damian Gjiknuri.
Pritet që së shpejti të fillojë nga puna ky proces. Parashikohet që për çdo shpim, të përdoret 5 kg tritol dhe në total 2.5 ton tritol në të gjithë zonën, çka kërcënon egzistencën e gjallesave, apo dhe burimeve ujore, me të cilat Zagoria është tejet e pasur.
