Aksioni në Shkodër\ Shkon në 3 numri i të arrestuarve, bie në pranga edhe një 40- vjeçar

0
63

Ka shkuar në 3 numri i të arrestuarve në kuadër të operacionit “Bratoshi” në Shkodër.

Policia bën me dije se një person i shpallur në kërkim gjatë operacionit me inicialet L. R., 40 vjeç ka rënë në pranga.

Ai akuzohet për veprat penale “Prodhimi dhe shitja e narkotikëve”, kryer në bashkëpunim, “Mosbindja  ndaj urdhrit të punonjësit të policisë së rendit publik” dhe “Pastrimi i produkteve të veprës penale ose veprimtarisë kriminale”.

 

Shtetasi L. R. dyshohet se ka qenë duke udhëtuar në një automjet pa targa, me shtetasit Xh. Z. dhe A. R., të cilët janë arrestuar në flagrancë nga Policia, më 18.01.2022, gjatë operacionit policor të koduar “Bratoshi”.

Pas ndalimit të këtij mjeti, shërbimet e Policisë gjetën 643.2 gramë lëndë të dyshuar narkotike cannabis sativa.

Materialet i kaluan Prokurorisë, për veprime të mëtejshme.