Një aksident i rëndë ka ndodhur ku të paktën 4 persona kanë mbetur të plagosur, njëri prej të cilëve në gjendje të rëndë.
Aksidenti ka ndodhur paraditen e së martës në aksin rrugor Elbasan-Peqin.
Nga hetimet paraprake dyshohet se për shkak të shpejtësisë, njëri nga mjetet ka rrëshqitur pasi ka marrë kthesën dhe është përplasur me tjetrin.
Është dashur ndërhyrja e zjarrfikëses për të nxjerrë drejtuesin nga mjeti për shkak të dëmtimit të rëndë të tij. Të plagosurit janë dërguar në spitalin e Elbasanit.
