Dy aksidente rrugore janë regjistruar ditën e sotme në vend.
Rreth orës 19:15, në lagjen nr.14 në Durrës, 25-vjeçari R.B., ka aksidentuar një këmbësor.
Sipas policisë 69-vjeçari H.D., i aksidentuar, ndodhet në kujdesin e mjekëve jashtë rrezikuat për jetën.
“Rreth orës 19:15, në lagjen nr.14, Durrës, motomjeti me drejtues shtetasin R. B., 25 vjeç, banues në Durrës, ka aksidentuar këmbësorin, shtetasin H. D., 69 vjeç, i cili ndodhet nën kujdesin e mjekëve, jashtë rrezikut për jetën”, thuhet në njoftimin e policisë.
Ndërsa më herët në Fushë Krujë drejtuesi i mjetit tip “Ford” F.A., ka humbur kontrollin e automjetit dhe është përplasur me një kamion dhe më pas ka dalë jashtë rrugë.
Si pasojë e përplasjes është lënduar pasagjerja 35-vjeçarja B.A., e cila ndodhet në spital jashtë rrezikut për jetën.
“Rreth orës 19:00, në Fushë Krujë, mjeti tip “Ford”, me drejtues shtetasin F. A., ka humbur kontrollin e mjetit duke u përplasur me një tjetër mjet kamion, e më pas ka dalë jashtë rruge. Si pasojë është lënduar drejtuesi i mjetit shtetasi F. A., dhe pasagjerja në mjet shtetësja B. A., 35 vjeçe, të cilët ndodhen nën kujdesin e mjekëve, jashtë rrezikut për jetën”, thuhet në komunikatën e policisë.
Sakaq grupet hetimore ndodhen në vendngjarje dhe po punojnë për përcaktimin e shkakut të aksidenteve.
