Një aksident i rëndë ka ndodhur në Durrës ku si pasojë kanë mbetur të plagosur katër persona.
Mësohet se aksidenti ndodhi nga pakujdesia e shoferit të ri në timon, shtetasit Elsi Balla 21 vjeç, banues në Tiranë. Të aksidentuarit E.G. 19 vjeçe, E.P. 19 vjeçe, E. A. 44 vjeç dhe D.B. 27 vjeç ndodhen në Spitalin e Traumës, Tiranë, nën kujdesin e mjekëve.
Në aksident janë përfshirë 4 makina. Në rrugën inter-urbane kryesore, Durrës–Tiranë, në Sukth, mjeti tip Benz është përplasur me një mjet tjetër tip Benz, me drejtues shtetasin M.M. 32 vjeç. Për pasojë, nga kjo përplasje janë dëmtuar dy mjete të tjera, mjeti tip Fiat me drejtuese shtetasen K.Sh. 23 vjeç, banuese në Sukth dhe mjeti tip Ford, me drejues shtetasin O. M. 32 vjeç, banues në Lushnje.
