Aksident i rëndë në Malësinë e Krujës/ Makina përfundon në greminë, 1 i vdekur, 2 të plagosur

Një aksident i rëndë ka ndodhur gjatë ditës së sotme në Malësinë e Krujës, ku një makinë mësohet të ketë përfunduar në greminë.
Për pasojë shtetasi Qazim Basha ka humbur jetën ndërsa janë plagosur rëndë shtetasit Besim Karaj dhe Ermir Zylfa.
Dy të plagosurit ndodhen nën kujdesin e mjekëve në Spitalin e Krujës.
Njoftimi i policisë:
Më datë 17.09.2019, në fshatin Mafsheq Krujë ka dalë nga rruga mjeti me targa AA 658 BO, ku për pasojë ka humbur jetën shtetasi Q.B., 52 vjeç, dhe janë dëmtuar shtetasit E.Z., 32 vjeç, i cili ndodhet në Spitalin Ushtarak Tiranë dhe shtetasi B.K., 56 vjeç, i cili ndodhet në Spitalin e Krujës nën kujdesin e mjekëve.
Grupi hetimor po punon për sqarimin e rrethanave të ngjarjes.
Më poshtë keni videon nga vendi i aksidentit.