Një aksident i rëndë ka ndodhur në Itali, ku për pasojë janë plagosur rëndë tre shtetas shqiptarë. Mësohet se aksidenti ka ndodhur në rrugën Carbone drejt Marcianise, zonë në të cilën banonin edhe tre shqiptarët.
Shoferi duket se ka humbur kontrollin e makinës duke përfunduar jashtë rruge, e duke u përplasur me shtyllat e elektrikut. Forcat zjarrëfikëse kanë mundur të nxjerrin nga makina tre shqiptarët të cilët janë nisur me urgjencë drejt spitalit.
Për njërin nga shqiptarët mjekët thanë se është në gjendje të rëndë me prognozë të rezervuar.
