Ministri i Financave Arben Ahmetaj ka deklaruar se rritja ekonomike në vitin 2017 do të jetë brenda pritshmërive, të 3.5 %.
Duke folur për performancën e ekonomisë për vitin 2016, Ahmetaj tha se rritja ekonomike tre mujorët e parë të 2016 shënoi shifrat e 3.3%. “Ekonomia ka përcjellë një periudhë të vështirë për shkak të keqmenaxhimit”, tha Ahmetaj.
Gjithashtu ministri deklaroi se të dhënat e janarit 2017 janë optimiste, ku nga të ardhurat e tatimeve, doganave dhe sigurimeve janë mbledhur 29.9 miliardë lekë, krahasuar me 29.1 miliardë me të njëjtën periudhë të vitit 2016. Më tej ai tha se ekonomia ka reflektuar reformat e thella të tre viteve të fundit.
