Një procesverbal i nxjerrë në dritë nga shkrimtari në ekzil, Agron Tufa vë në dukje se kryetari i sapozgjedhur i SPAK, Arben Kraja ka qenë hetues i komunizmit, madje kur rregjimi diktatorial ishte në grahmat e tij të fundit, hetuesi Kraja ishte i zellshëm ndaj “armiqve” të popullit si bashkëqytetari i tij shkodran, Beniamin Bizi.
Por, Gazeta Shqiptare pak më vonë boton një letërkëmbim me Autoritetin e Dosjeve, ku thuhet: “Nga verifikimet e kryera deri tani rezulton se, shtetasi A.K. ka qenë me detyrë hetues në Hetuesinë e Rrethit Shkodër në vitin 1990, pra përpara datës 2 korrik të vitit 1991, që është edhe fushëveprimi i ligjit mbi bazën e të cilit vepron Autoriteti. Nga përmbajtja e dokumentacionit që ndodhet në arkivat tona rezulton se z. A.K., ka hetuar një çështje penale në ngarkim të dy të pandehurve për kalim të paligjshëm kufiri në bashkëpunim. Si vepër penale, kalimi i paligjshëm i kufirit bën pjesë në kreun 8 të ‘Krime kundër rendit administrativ’ dhe jo në kreun ‘Krime kundër shtetit’, vepra penale këto, të parashikuara në kreun e parë neni 47 të Kodit Penal të vitit 1977.” Për detaje kliko këtu: Gazeta Shqiptare
Më poshtë lajmërimi i mëhershëm që bëri shkrimtari në ekzil, Agron Tufa:
Ja pra “kryevepra” e kreut të sapozgjedhur të SPAK-ut, Arben Krajës, që të bënte gjëmën, po t’i prishje “moralin komunist”:)) Nga procesverbali i ndalimit të bashkëqytetarit të vet, shkodranit Beniamin Bizi… Dhe ky ortodoksalizëm fanatik, demonstrohet pasi kanë ikur jashtë 6000 qytetarë që shpërthyen ambasadat, me datën e dokumentit 27. 7. 1990! Ç’të thush më? Meqë deshët fakte…
Këtij ju thoni t’i besojmë!? Dhe mendoni: janë dashur mbi 3 vjet seleksionim, kontroll figure (vetting) për të na nxjerrë këtë kristal të kulluar, llagarin e partisë!
Ndalemi me kaq, se ka më…
