Nisja e punimeve për rikonstruksionin e aksit rrugor “Tiranë-Durrës” ka shtruar edhe pyetjen nëse në përfundim të punimeve do të vendoset një taksë për këtë rrugë.
Ministri Damian Gjiknuri ka zgjedhur të mos përgjigjet duke u shprehur se nuk kishte ndërmend që të diskutonte lidhur me këtë çështje, pasi vendosja e tarifës do të trajtohet hap pas hapi.
“Nuk jemi këtu për këtë çështje. Kjo është strategjia e qeverisë shqiptare që ka qenë e miratuar me kohë. Kjo është një gjë që do të trajtohet hap pas hapi. Duhet thënë që rrugët kanë nevojë për financime serioze. Nevoja për investime në rrugë është shumë më e madhe sesa ka mundësi Buxheti i Shtetit. Nëse duam infrastrukturë të gjitha duhet të kontribuojmë për këtë”, tha Gjiknuri.
