Halimi: Drafti i Venecias është pro një reforme të qëndrueshme, bazuar në dialog politik
Dokumenti final i Komisionit të Venecias për Reformën në Drëjtësi do të paraqitet pasi të mblidhet seanca Plenare e Komisionit të Venecias. Kryetari i Komisionit të posaqëm për Reformën në Drejtësi, Fatmir Xhafaj tha në mbledhjen e këtij komisioni se seanca plenare e komisionit të venecias mblidhet më 12-13 mars. Xhafa tha gjithashtu se “Projekti kushtetues do të realizohet në një kohë më të afërt”, ka deklaruar Xhafaj. Në mbledhjen e sotme të Komisionit të Reformës në Drejtësi morën pjesë edhe deputetët e opozitës, pavarësisht vendimit politik për bojkot ndaj Kuvendit.
Deputeti Eduard Halimi tha se duhet të avandohet për të mbërritur tek miratimi i ndryshimeve në Kushtetute. “PD ka përshëndetur dhe ndihet e inkurajuar nga draft-raporti. Drafti është pro një reforme të qëndrueshme, bazuar në dialog politik. Qytetarët kanë nevojë për një drejtësi eficente. “Duhet të vendosim sa më shpejt për miratimin e paketës kushtetuese, duhet para së gjithash të fillojmë një dialog politik për të diskutuar çështjet politike që na ndajmë. Kjo është mbledhja e katërt këtij komisioni dhe ajo që kanë parë shqiptarët është që ne jemi bërë një komision korrierësh. Një draft e bëjmë ne ja çojmë Venecias, ata neve, ne ekspertëve tanë, ju tuajve. Ne nuk mund të fshihemi pas ekspertëve”, tha Halimi.
