Situatën e qetë politike në vend e “trazon” herë pas here një nga zërat më të fortë opozitar të momentit, Petrit Vasili.
Në vazhdën e denoncimeve të përditshme, Vasili është ndalur sot te siatuata ekonomike në vend.
Sipas tij ekonomia shqiptare është në konfuzion duke shënuar nivelin më të ulët të investimeve të huaja se asnjëherë.
Status i plotë i Vasilit në Facebook
Ekonomia shqiptare në konfuzion. Investimet e huaja në nivelin më të ulët se asnjë herë. Thithja e projekteve të mëdha më e ulta.
Nuk ka prioritete madhore në ekonomi, por thjesht improvizime të ditës, që thjesht riciklojnë arkaizmin ekonomik, profanizmin dhe të kënaqurit me fiktivitet të qeverisë si dhe thellojnë frikshëm pabarazinë.
Është koha për një Pakt Kombëtar për Ekonominë.
Fjalët boshe dhe demagogjitë artificiale me shifrat për ekonominë do ta bëjnë varfërinë dhe papunësinë sëmundje pa shërim, dekurajimin tragjik për të rinjtë të pashmangshëm dhe vrasjen e shpresës mënyrë jetese.
