Cristiano Ronaldo, Lionel Messit dhe portieri i Juventusit, Gianluigi Buffon janë pretendentët kryesor për çmimin e “Lojtarit më të mirë të vitit për sezonin 2016-2017”, publikuar nga UEFA.
Trofeu do të dorëzohet të enjten e 24 gushtit në Montekarlo, ditën kur do të hidhet edhe shorti për fazën e grupeve të Champions League.
Tre finalistët janë përcaktuar nga një juri prej 80 trajnerë klubesh, si dhe nga 55 gazetarë të grupit “European Sports Media”, si përfaqësues të federatave respektive në UEFA.
Në dhjetëshen e pretendentëve bënin pjesë edhe Modriç, Kroos, Sergio Ramos, të tre lojtarë të Realit; Dybala i Juventusit; Mbappe i Monacos; Lewandowski i Bayern Munchen; e Zlatan Ibrahimoviç i Manchester United.
