Pas një proteste të papritur në dyert e Bashkisë së Tiranës është ndaluar nga policia Kreshnik Spahiu dhe disa mbështetës të lëvizjes së tij.
Aktivistët e ditës së sotme janë munduar të gozhdojnë dyert e Bashkisë, sepse sipas tyre kjo e fundit po u zapton qytetin.
Kjo protestë nuk ka patur agjendë të veçantë, veç gozhdëve dhe dërrasave. Ndërhyrja e Policisë Bashkiake dhe asaj të rendit ka sjellë ndalimin e Kreshnik Spahiut.
Ndalimin nga policia e ka konfirmuar vetë Kreshnik Spahiu.
“Policia më ka ndaluar bashkë me 3 aktivistë të tjerë të AK. Më morën me furgon policie dhe jam ndaluar në komisariatin 1”, tha Spahiu.
