Një mesazh urdhër ka mbërritur në celularin e demokratëve këtë mëngjes. U kërkohet të gjejnë një makinë të mbushur me pesë veta dhe në mesditë të paraqiten në Rinas, sepse duhet milet shumë për të pritur “kryeministrin e ardhshëm”. Kështu e vlerësojnë demokratët e Republikës së Re, Lulzim Bashën, sidomos pas vizitës së tij në SHBA dhe fotografisë, që me një mijë kiamete, ia doli ta realizojë me Presidentin Donald Trump.
Ky mesazh që na kujton atë këngën për diktatorin…”Dilni se erdhi Enveri…” ka mbërritur pak përpara se kreu i Partisë Demokratike Lulzim Basha të mbërrijë në aeroportin e Rinasit, pas vizitës së tij në SHBA.
“Njoftim urgjent! Sot ora 12:00 duhet të jemi në Rinas të presim Kryeministrin e ardhshëm të Shqiperise Z.Lulzim Basha! Nisja behet nga zyrat e shtabit në orën 11:00! Ju lutem çdo grupseksion të marrë masa të dërgojë minimalisht 1 makinë me 4-5 persona dhe të jetë preciz me orarin! Mundohuni të angazhoni personat të cilët nuk kanë punë partie për të bërë në ate orar! Ju lutem Konfirmoni! Fitore!”, shkruhet në mesazhin e dërguar nga partia për strukturat.
