Policia e Durrësit ka goditur një tjetër rast të trafikut ndërkombëtar të drogës.
Në sajë të operacionit antidrogë policia ka sekuestruar një sasi prej 207 kg kanabis në një autobus që kishte destinacion Italinë. Në pranga përfundoi drejtuesi i mjetit Jetmir Muçalijaj, 43 vjeç, ndërsa u shpall në kërkim pronari i autobusit E.S., 38 vjeç.
Gjatë kontrollit me skaner policia gjeti në pjesën e rrotave të pasme të autobusit 180 pako me lëndë narkotike.
Specialistët dhe grupi hetimor po vijojnë punën për kapjen e personave të tjerë të implikuar në këtë rrjet kriminal.
